Saturday, December 8, 2012

Torthaí An Fhómhair, 2012


Prátaí (Norkotah)                               80 punt

Puimcín (Indiana Choice)                  90 punt

Scuais Gheimhridh (síol gan ainm)   160 punt

Biatas (Detroit)                                  35 punt

Piseanna (Lincoln)                             3 phunt

Gairleog (Iodálach)                            20 punt

Leitís (gearr is athfhás)                      raidhse

Súnna Craoibhe (Heritage)                10 bpunt

Trátaí, dhá short                                 35 punt

Luibheanna triomaithe (marós, tím, dragan, peirsil, basal:  go leor don bhliain)

Tá a bhfuil fágtha de na prátaí i gciseáin i ndorchadas fionnuar an íoslaigh. 

Na puimcíní agus na scuaiseanna, gearradh ina leath iad, glanadh na síolta astu agus róstadh ar feadh 90 nóiméad iad ag 400º F.  Baineadh an ‘fheoil’ astu, homaiginigh í le cumascóir tumtha agus tar éis ligean don slaod draenáil thar oíche i mála éadach cáise, steirilíodh an t-iomlán i bprócaí i mbrú-bhruthaire.  Anraith den scoth agus pióga blasta déanta as cuid de.

Tá na biatais cócaráilte, slisnithe agus stóráilte i bhfínéagar.

Na piseanna nár itheadh, táid reoite i ziploc agus beidh siad againn Lá Nollag

Bronnadh leath den gairleog i bhfoirm trilseán ar ár gcomharsa béal dorais.  An leath eile, tá sé ar crochadh san íoslach.  Úsáidim í le haghaidh stobhaigh, anlainn agus bruschetti.

Rinneadh subh agus pióga le roinnt de na súnna craoibhe.  An chuid eile, tá sí reoite, ag fanacht lena lá. 

Ní raibh rath ar na trátaí.  Tá thart ar galún anlainn de shaghsanna éagsúla déanta agam, ach ní den scoth ceann ar bith díobh. 

Seachas na giolcacha sú craoibhe, tá achan chrann, tor agus planda ilbhliantúil prúnáilte agam agus múnlaithe (shaped) nuair ba ghá sin ceal spáis. 

An bhliain seo chugainn ní bheidh ach crann amháin eile á chur agam lena bhfuil ann cheana, ach beidh orm uainíocht a chur i bhfeidhm ar phrátaí agus trátaí. 
Só, a chairde, sin sin go dtí teacht an earraigh.  Aghaidh dírithe agam anois ar an scríbhneoireacht.

4 comments:

  1. Scríbhneoireacht ó Shamhain go Bealtaine, an ea? Go raibh an rath céanna ar an saothar sin!

    ReplyDelete
  2. Is léir nach garraíodóir tú, Aonghus, a chara. Go fiú san aeráid seo ‘gainne atá roinnt mhaith níos crua ná mar atá agaibh in Éirinn, beidh mé ag treabhadh agus ag cur barr faoi lár Mhárta. 'Piseanna i dtalamh faoi Lá ‘le Padraig' an mana atá againne agus mar aon leo siúd beidh biatais, cairéid agus raidis. Tá barr cumhdaigh de sheagal geimhridh curtha agam mar a raibh na prátaí ag fás i mbliana. Tá fás maith faoi cheana féin agus beidh orm é a bhearradh go talamh ag tús Mhárta agus an t-iomlán a threabhadh faoi coicís ina dhiaidh sin.

    ReplyDelete
  3. tigh s'agaibhse don dinnéar Lá Nollag, mar sin?

    ReplyDelete
  4. Coinneal san fhuinneog, fáilte roimh chách

    ReplyDelete