Saturday, July 14, 2012

An IDA agus FDI don Bhliain 2011

Ar ndóigh, bíonn tuarascáil bhliantúil eagraíocht ar bith rud beag (nó rud mór) féinmholtach, ach is fiú súil a chaitheamh ar thuarascáil an IDA don bhliain 2011.  Táid ann a deir gurb é an ráta cáin chorparáideach amháin is cúis leis an FDI (foreign direct investment), ach tá a fhios ag madraí an bhaile nach é sin amháin atá i gceist agus comhlacht ag cinneadh ar infheistíocht a dhéanamh in Éirinn.  Bhí mé féin páirteach mar chomhairleoir do chomhlacht cógaseolaíochta Meiriceánach agus iad ag déanamh ‘due diligence’ féachaint arbh fhiú an tsaotharlann a bhí acu in Éirinn a fhorbairt.  Bí cinnte nárbh é an ráta cánach an cloch ba mhó ar an bpaidrín acu: fáil ar dhaoine a mbeadh a scileanna cuí acu, b’in an cheist ba mhó a bhí le freagairt againn.  Agus d’fhreagair, agus cruthaíodh 200 post dá bharr.  Anois, a chairde, caith súil ar an tuarascáil, as Gaeilge.

http://www.idaireland.com/news-media/publications/annual-reports/accesible-versions/2011/pdf/IDA-Annual_Report_2011-Irish.pdf

3 comments:

  1. @ fáil ar dhaoine a mbeadh a scileanna cuí acu

    Táim den bharúil go bhfuil baint nach beag aige sin leis an scéal, a Sheáin, ach cuidíonn an ráta cánach úd, freisin, cheapfainn.

    @ cruthaíodh 200 post dá bharr

    Maith sibh!

    ReplyDelete
  2. An-spéisiúil. Ní léim a leithéid de ghnáth. Is léir ón tuarascáil cé chomh mór is atá an tír ag brath ar an bhfear thall (Uncail Sam).

    ReplyDelete
  3. Aithníonn An Fear Thall sladmhargadh nuair a leagtar os a chomhair é.

    ReplyDelete