Thursday, April 28, 2011

I gCoim Oíche?


Ar fhéachaint amach dom ar maidin bhí an saol faoi cheo, ach ní raibh an ceo céanna chomh tiubh sin nach bhfaca mé an ropaire seo i gceann de cheapacha mo chéile. Ní blatóg choiteann (Blata orientalis) é ná Ciaróg rua (Periplaneta americana). Caitheann gur ceann den dream é a fhaightear sa Bhrasaíl. Deirtear go mbíonn siadsan iontach mór. Gach gíog as faoi láthair. N’fheadar cad tá ite aige.

8 comments:

  1. An ceart agat. É ag stánadh ar rud éigin, ach n’fheadar cad é.

    ReplyDelete
  2. Hmph. Shíl mise gur Jiminy Cricket a bhí ann.

    ReplyDelete
  3. Deirtear liom gurbh ón tSeapáin a tháinig sé, ó Okinawa ach go háirithe!!!

    ReplyDelete
  4. Nach mbíodh meas ar leith ag na Seapánaigh ar chriogair? (Tá a fhios againn, ámh, gur fearr leo daorchluiche* ná cruicéad.)

    * Agus cén fáth a ndeir na Gaeil go bhfuil an cluiche seo daor??

    ReplyDelete
  5. Sin ceist mhaith. N'fheadar.

    Duine éigin nár thaitin an cluiche leis agus a roghnaigh an chiall sin le "base"?

    daor [ainmfhocal firinscneach den chéad díochlaonadh]
    duine nach bhfuil saor, atá ina sclábhaí; duine atá daortha nó ciontaithe.

    ReplyDelete
  6. Ach níl fhios agam an bhfuil bunús dá laghad leis.

    ReplyDelete